احبابی الهر لشباگی فتلهه

اشلون الروح تنساکم فتلهه

مثل والده الضایع فتلهه

ساعه اصرخ وشگ ثوب العلیه

((دیوان  سوگ الظیم     الشاعر   عباس شبیب العگیلی  ))

عفیه و ظل عگل بلراس ماجن

حته اطیوفکم بالنوم ماجن

 خجول اهوای بس بالشوگ ماجن

الوج اعلیک چن مگروص حیه

عباس شبیب العگیلی

میزان وکتی دغش ماشفته یوزن عدل

یدرینی محنی الظهر حط اعله ظهری عدل

من کثر ظیم العلی عفیه اوبعدنی عدل

غنیلی طور الحزن عن ذکرهم لاهنی

زادک یگلی الدهر لا مستوی لاهنی

لا طاب عیشی عسن من بعدهم لاهنی

یا صاح مالی ذنب والوکت عنی عدل

عباس شبیب العگیلی

انه خاف ازورنک و گلبی منکسر یحسین

یمته بکربله یمک ازورک و الدمع بلعین

و اتذکر مصیبتهه زینب تلطم الخدین

(خادم لجلچ کل اسنینی)

توفیق الصافی

حبیبی و دوم ازامط بی اسمه بگلبی کتبیته

چنت بحظن امانی مدری اشلون حبیته

صاحت امی یا حیدر خادم الک خلیته

(و خادم الحسین یسمونه)

توفیق الصافی

ابنک غضب ابنک زود یا بوالفضل یا عباس 

مثل دم یجری بلشریان ربک صورک نوماس

یخاف الیعاین لکلو تدخل بین الناس

ذکرک للرایه ایمشینه

توفیق الصافی

عتابی ویه اکبار الاهل والحی

علیکم ازیارت احسین والحی

نسیتو سیرت الی مات والحی

علیش اتگول لتهوس بلثنیه

ما نقبل للیگول الهوسه بیهه افتان

تره الما یعرف للطرب ما یعرف الاوزان

وابیوم الی رمه المنیور هوسه الهیجت شجعان

لا تنسا الملعب عازه

امین الجرفی

خوانی بلظعن من شالو ضلت بلگلب عله

ارید امشی ابمسراهم لاچن حیف مندله

بعد وین الیعیل الطگ و وین الیستر الخله

وین الگا راعی النیبه

امین الجرفی

بحق اخی العزیز امید الچلداوی

ابذهب کون اکتب اسمک علصدر

وانته شریان الگلب تجری اببحر

و اذا عنی ابعدت اله انتحر

(وظمیتک لیام العازه)

امین الجرفی

چثیره اهموم بینه من علینه

وصدیج الزین بفلوسه من علینه

خذینه الصبر والطیب من علینه

ومثل عباس نموت اعله الخویه

              امین الجرفی